FALEMINDERIT!

Pikoi loti në mesnatë
Se ti ike për t'mos u kthyer
Pamjen tënde të vërtetë
E tregon pasqyrë e thyer
Nuk të thashë largohu, as kthehu, as harromë
Se për çdo fjalë në jetën tonë ishte vonë
Akrepat bashkohen, s'na takojnë askund
Më mirë një fund me dhimbje, se një dhimbje pa fund

Ref.
Faleminderit që më le
Sot mos qaj se ike dje
Nesër kur nata n'udhëkryq të ze
Mos u kthe, mos u kthe (arsye s'ke)

Nata hënën prapë e ndezë
Ti je n'terrin e kësaj bote
N'rrugën tënde të pakthim
Ty të ndjek veç hija jote.

Fatmir Muja  2002